وش ویب: تربت شہر کے علاقہ سنگانی سر کے رہائشی صغیر نزیر گیس سلنڈر کی لیکیج کی وجہ سے لگنے والی آگ میں جھلس کر زخمی ہوگئے۔
صغیر نزیر کا پورا بدن جلنے سے وہ شدید مشکلات میں مبتلا ہے، انہوں نے وش نیوز سے گفتگو کرتے ہوئے کہا کہ میں مزدوری کرکے گھر چلاتا تھا گزشتہ پندرہ دنوں سے میں بستر پر ليثا ہوا ہوں، میرے دو بچے ہیں، ایک دو سال کا ہے اور دوسرا چالیس روز کا ہے۔ اس مہنگائی کے دور میں اپنا علاج کرانا اپنی جگہ اپنے بچوں کی کفالت کرنے سے قاصر ہوں، انہوں نے التجا کی کہ میری علاج کیلئے حکومت اور انسان دوست حضرات مدد کریں تاکہ جلدی صحت یاب ہو جاؤں اور اپنی بچوں کی دیکھ بھال کرسکوں۔