وش ویب:پاکستان کرکٹ بورڈ نے 3 ماہ میں کوئٹہ کے بگٹی اسٹیڈیم میں فلڈ لائٹس لگانے کا اعلان کیا ہے۔
پاکستان کرکٹ بورڈ کے چیئرمین محسن نقوی نے وزیر اعلیٰ بلوچستان سرفراز بگٹی کے ہمراہ نواب اکبر علی خان بگٹی سٹیڈیم کا دورہ کی۔ محسن نقوی نے اگلے تین ماہ میں بگٹی اسٹیڈیم کوئٹہ میں فلڈ لائٹس لگانے کا اعلان کیا ہے،
اس موقع پر سابق نگران وزیر اعظم انوار الحق کاکڑ بھی موجود تھے، انہوں نے گراؤنڈ کا بھی معائنہ کیا اور اسٹیڈیم کی حالت کو بہتر بنانے کے لیے ہدایات دیں۔محسن نقوی نے کہا کہ بگٹی ا سٹیڈیم میں سہولتوں کو کم سے کم وقت میں بہتر کیا جائے گا۔ بلوچستان اور کوئٹہ کے عوام کے لیے کرکٹ کے ٹورنامنٹس کرائے جائیں گے۔
ذرائع کے مطابق کراچی میں اس سال پاکستان سپر لیگ میں تماشائیوں کی لیگ میچوں میں عدم دلچسپی کے باعث اگلے سال پی ایس ایل 2025کے صرف 5 میچوں کی میزبانی نیشنل اسٹیڈیم کو مل سکی ہے۔ البتہ پشاور اور کوئٹہ میں وارم اپ میچ کرانے کی تجویز کی گئی ہے۔
زرائع کا بتانا ہے کہ پشاور اور کوئٹہ گراؤنڈز کو سکیورٹی کلیئرئس نہیں مل سکی ہے جبکہ یہاں تعمیراتی کام بھی ہونا باقی ہے۔