وش ویب : چار جماعتی اتحاد کا دھرنا آج کوئٹہ ڈی سی آفس اور کمشنر آفس کے سامنے نویں روز بھی جاری ہے جہاں آج چاروں پارٹیوں کے سربراہان ، سردار اختر مینگل، عبدالمالک بلوچ، عبد الخالق ہزارہ اور محمود خان اچکزئی جلسہ عام سے خطاب کرینگے ۔
اس موقع پر چاروں پارٹیوں کے کارکنان ہزاروں کی تعداد میں موجود ہیں اور ان کا یہی موقف ہے کہ حالیہ انتخابات میں مبینہ دھاندلی اور نتائج میں ردوبدل کا نوٹس لیتے ہوئے فارم 45 کے مطابق انتخابات کے نتائج کا اعلان کیا جائے بصورت دیگر اس احتتاج کو مزید شدت سے آگے بڑھایا جائے گا ۔
یاد رہے کہ چار جماعتی اتحاد کی جانب سے کل بلوچستان بھر میں پہیہ جام ہڑتال کا اعلان بھی کیا گیا ہے ۔
