وشویب: بلوچستان میں بارشوں کا سلس سے ابتک مشرقی بائی پاس میں 151 ملی میٹر بارش ریکارڈ ہوئی ہے جو کہ معمول سے 200 فیصد زیادہ ہے اور اب بھی جاری ہے جس سے شہر بھر دریا کا منظر پیش کر رہا ہے۔ جبکہ محکمہ موسیات نے مزید بارشوں کے امکان کا اظہار کیاہے
تفصیلات کے مطا بق کوئٹہ سمیت مختلف شہروں میں گرج چمک کے ساتھ وقفے وقفے سے بارش کا سلسلہ جاری ہے، آج بھی بلوچستان کے 16 اضلاع میں مزید بارش کا امکان ہے۔ بارش کے بعد کوئٹہ کی مختلف سڑکوں پر پانی جمع ہے جبکہ سیوریج کا نظام درہم برہم ہونے سے شہریوں کو مشکلات کا سامنا ہے۔ وزیر اعلیٰ بلوچستان نے نوٹس لیتے ہوئے فوری اقدامات کی ہدایت کی ہے، بارش کے پیش نظر بلوچستان کے تمام اسکول آج اور کل بند رہیں گے۔
دوسری جانب محکمہ موسمیات کے مطابق بارشیں برسانے والا مغربی ہواؤں کا سسٹم بلوچستان میں موجود ہے۔ مغربی ہواؤں کا دوسرا سلسلہ 17 اپریل کو بلوچستان سے کراچی میں داخل ہوگا جس سے کراچی میں تیز بارش متوقع ہے۔ محکمہ موسمیات کے مطابق اسلام آباد، پنجاب، خیبرپختونخوا، کشمیر اور گلگت بلتستان میں بھی مزید بارش کی پیش گوئی ہے۔ جبکہ لوئر دیر میں شدید بارشوں کے باعث دریائے پنجکوڑہ میں اونچے درجے کا سیلاب ہے۔
