کراچی ( حیات بلوچ): بلوچستان سے کراچی کے داخلی پوائنٹ حب ریور روڈ پر جوائنٹ چیک پوسٹ کا قیام کیا گیا.
ایس ایس پی کیماڑی فیضان علی نے جوائنٹ چیک پوسٹ کے قیام کے حوالے سے بلوچستان سے کراچی کے داخلی مقام کا وزٹ کیا۔اس موقع پر رینجرز کسٹم اور سول ایڈمنسٹریشن کے نمائندگان بھی ہمراہ تھے۔اس موقع پر جوائنٹ چیک پوسٹ کے قیام کے حوالے سے تبادلہ خیال کیا گیا اور چیک پوسٹ کے لئے جگہ / لینڈ کے مقام کا تعین کیا گیا۔ایس ایس پی کیماڑی نے اے سی ماڑیپور کو چیک پوسٹ کے لئے تعین کی گئی جگہ کی الاٹمنٹ / قانونی کاروائی جلد مکمل کرنے کی ہدایات دیں۔
بلوچستان سے اسلحہ، منشیات اسمگلنگ اور دیگر ممنوعہ اشیاء کی ترسیل کو روکنے کے لئے جوائنٹ چیک پوسٹ کے قیام کو ترجیحی بنیادوں پر پایا تکمیل تک پہنچایا جائے گا۔ جوائنٹ چیک پوسٹ میں گاڑیوں کی سرچنگ / اسکیننگ کے لئے جدید آلات نصب کئے جائیں گے۔جوائنٹ چیک پوسٹ میں پولیس، رینجرز، کسٹم و دیگر ادارے مشترکہ طور پر بلوچستان سےدہشتگردی، اسلحہ، منشیات اور اسمگلنگ کی روک تھام کے لئے تعینات ہونگے۔
