وش ویب:چار جماعتی اتحاد نے کی جانب سے ڈپٹی کمشنر آفس کے سامنے جاری دھرنا ختم کردیا گیا.
تفصیلات کے مطابق الیکشن میں دھاندلیوں اور انتخابی نتائج کی تبدیلیوں کے خلاف چار جماعتی اتحاد نے ڈپٹی کمشنر آفس کوئٹہ کے سامنے جاری دھرنا ختم کر دیا گیا جس کے بعد ڈی سی آفس کے سامنے انسکمب روڈ پر ٹریفک بحال ہو گئی ، بی این پی، پی کے میپ، نیشنل پارٹی اور ایچ ڈی پی کا دھر نا 17 روز سے جاری تھا۔
احتجاجی دھرنے سے خطاب کرتے چار جماعتی اتحاد کے رہنماؤنے کہا کہ ہم نے دھرنا دے کر احتجاج رکارڈ کروایا لیکن کسی نے بات نہیں ہم اس دھرنے کو ختم کر کے صوبہ میں احتجاج کو وسعت دیں گے بلوچستان بھر میں ریلیاں، دھر نے ور احتجاجی جلسے کئے جائیں گے۔ انکا مزید کہنا تھا کہ چار جماعتی اتحاد کے قائدین نے متفقہ فیصلہ کیا ہے کہ دھرنا ختم کر دیا جائے.
اب پورے بلوچستان میں ڈی آر او اور آر او کے دفاتر کے باہر ہفتہ میں ایک دن دھرنا اور احتجاج کیا جائے گا، احتجاج اس وقت تک جاری رہے گا جب تک مطالبات تسلیم نہیں ہو جاتے .
انہوں نے کہا کہ ہمارے مینڈیٹ کو تسلیم نہیں کیا گیا تو 28 فروری کو بلوچستان اسمبلی کے سامنے دھرنا اور احتجاج کرینگے اور اپنے آئندہ کا لائحہ عمل بھی طے کریں گے۔