وش ویب: پاکستان اور جاپان کے درمیان اہم منصوبوں کیلئے گرانٹ کے معاہدے پر دستخط ہوگئے ۔
اعلامیہ میں کہا گیا ہے کہ دونوں ممالک میں ٹیکنالوجی اور صحت کی خدمات میں اضافے کیلئے معاہدے پر دستخط ہوئے ،موسمیاتی ادارہ کی سکھر میں تنصیب کیلئے گرانٹ معاہدے پربھی دستخط ہوگئے۔سندھ میں ماں اور بچوں کی صحت کی دیکھ بھال کیلئے گرانٹ معاہدے پر دستخط ہوئے،منصوبوں کا مقصد موسمیاتی مشاہدے اور زچہ اور بچہ کی صحت کی دیکھ بھال کی خدمات کو بڑھانا ہے۔جاپان پاکستان کے موسمیات اور صحت کی دیکھ بھال کے شعبوں کی حمایت کرتا ہے۔اعلامیہ کے مطابق وزارت اقتصادی امور اور جاپان کی جائیکا کے حکام کے درمیان گرانٹ کے معاہدوں کا تبادلہ ہوا، پاکستان نے دوطرفہ تعلقات اور تعاون کو مضبوط بنانے پر جاپان کا شکریہ ادا کیا،جاپانی سفیر نے باہمی ترقی اور دوستی کیلئے پاکستان سےملکر کام کرنے کے عزم کا اعادہ کیا۔
