وشٰویب: بلوچستان کے شہر تربت میں بھی 9مئی یوم شہدائے پاکستان کی مناسبت سے ڈی سی آفس سے کار ریلی نکالی گئی ،ریلی میر عیسی قومی پارک تک پہنچ کر واپس ڈی سی آفس کے مین گیٹ کے سامنے اختتمام پزیر ہوئی۔ ریلی کی قیادت سیاسی وسماجی شخصیت میر یاسربہرام رنداوراسسٹنٹ کمشنردشت عبدالحمید نے کی۔
ریلی میں افسران ،ملازمین اورسول سوسائیٹی کے لوگ شامل تھے اس موقع پر ریلی کے شرکاءنے بتایا کہ 9 مئی پاکستان کی تاریخ کا سیاہ ترین دن ہے یہ افسوسناک واقعہ ناقابل برداشت اور ناقابل فراموش ہے۔ 9 مئی کے افسوسناک واقعہ کے دوران ریاستی املاک کو نقصان پہنچایا گیا اور شہیدوں کی بے حرمتی اور تضحیک کی گئی تھی۔
انکا کہنا تھاکہ ریلی کا مقصد اپنے شہدا کو خراجِ تحسین پیش کرنا تھا۔
اس موقع پرلوگوں نے 9 مئی کے واقع کے خلاف مختلف قسم کے بینر اٹھائے ہوئے تھے جس میں وطن عزیز سے اپنی محبت کا اظہار اور 9 مئی کے سانحے میں ملوث افراد کو سزا دینے کی استدعا کی گئی تھی۔
اس دوران ریلی میں شرکاء نے 9 مئی کے سانحے کو وطن عزیز کے خلاف ایک سازش قرار دیا اور اس واقعے میں ملوث افراد کو سزا دینے کا پرزور مطالبہ کیا۔
