وش ویب: مکران میڈیکل کالج تربت کے ڈیپارٹمنٹ آف آرتھوپیڈک سرجری کے زیراہتمام سرکٹ ہاؤس میں ایک روزہ سیمینار زیرصدارت پروفیسر ڈاکٹر واحد بخش بلوچ منعقد ہوا۔
تفصیلات کے مطابق مکران میڈیکل کالج تربت کے ڈیپارٹمنٹ آف آرتھوپیڈک سرجری کے زیراہتمام سرکٹ ہاؤس میں ایک روزہ سیمینار زیرصدارت پروفیسر ڈاکٹر واحد بخش بلوچ منعقد ہوا.سمینار کے مہمان خاص ڈپٹی کمشنر کیچ اسماعیل ابراهیم تھے۔ ورکشاپ میں پاکستان کے معروف آرتھوپیڈک سرجن پروفیسر ڈاکٹر انیس الدین بھٹی، پروفیسر ڈاکٹر محمد امین چنائے، ڈاکٹر پرویز علی، پروفیسر ڈاکٹر جمیل احمد ، وائس چانسلر ڈاکٹر وحید بلیدی ،ڈائریکٹر ہیلتھ مکران ڈویژن ڈاکٹر اسلم آزار ، ڈی ایچ او کیچ ڈاکٹر ابابگر بلوچ ، ڈپٹی ڈی ایچ او ڈاکٹر عزیز دشتی ، پی ایم اے کیچ کے پروفیسر ڈاکٹر میران دشتی ، ایم ایس ڈاکٹر احمد بلوچ ، ڈاکٹر منیر احمد سمت طلباء و طالبات کی بڑی تعداد نے شرکت کی ۔
ورکشاپ میں آرتھوپیڈک کے شعبے میں جدید رجحانات اور طریقہ علاج کے حوالے سے مقررین نے خطاب کرتے ہوئے کہا کہ آج اس سیمنار کا مقصد ہے کچھ بچے معذوری کے ساتھ پیدا ہوتے ہیں،وہ قابل علاج ہوتے ہیں اور مکمل زندگی گزارنے کے قابل بنایا جا سکتے ہیں ۔ڈی ایچ او نے ورکشاپ کے انعقاد پر منتظمین کی کاوشوں کی تعریف کی۔ ورکشاپ کے اختتام پر آرتھوپیڈک شعبے کے چیئرمین پروفیسر ڈاکٹر واحد بخش بلوچ، ڈی سی کیچ نے منتظمین اور شرکاء کو بلوچی کلچرل چادر پہنائے۔
