وش ویب : بلوچستان نیشنل پارٹی نے مرکزی بیان میں کہا ہے کہ بلوچستان کو گیس اور بجلی نہیں دی جارہی، جبکہ بھاری بھرکم بلوں نے عوام کا جینا محال کردیا.
تفصیلات کے مطابق بلوچستان نیشنل پارٹی نے غیر اعلانیہ لوڈشیڈنگ اور گیس پریشر نہ ہونے کے باوجودگیس اور بجلی کے بھاری بھر کم بلوں پر تشویش کا اظہار کرتے ہوئے کہا ہے کہ دیگر صوبوں کی نسبت بلوچستان کو نہ گیس فراہم کی جا رہی ہے اور نہ بجلی کی فراہمی تسلسل سے جاری ہے عام شہری کی آمدن اتنی نہیں کہ جتنے کے بجلی و گیس کے بلز بھیجے جاتے ہیں بلوچ اور بلوچستانی عوام پریشانیوں سے دوچار ہیں
نیشنل پارٹی کا کہنا ہے کہ صوبے بلوچستان کے چند اضلاع کو گیس فراہمی کی گئی ہے لیکن وہاں پر طویل لوڈشیڈنگ اور گیس پریشر میں کمی نے عوام کا جہاں محال کر دیا ہے جبکہ بجلی کی طویل اور غیر اعلانیہ لوڈشیڈنگ نے جہاں عوام کو اذیت میں مبتلا کر رکھا ہے زمینداروں کو بھی نان شبینہ کا محتاج بنا دیا ہے عوام کو بھی گیس و بجلی کے بھاری بھر کم یوٹیلیٹی بلز نے اذیت سے دوچار کیا ہوا ہے
بیان میں کہا گیا ہے کہ بلوچستان نیشنل پارٹی قومی جمہوری پارٹی ہونے کے ناطے بلوچ اور بلوچستانی عوام کو کبھی تنہا نہیں چھوڑے گی حکمران وقت بڑے بڑے دعوﺅں کی بجائے عوام کو بجلی ، گیس ، صحت ، تعلیم کی سہولیات کو یقینی بنانے کیلئے اقدامات کریں۔
