وش ویب:حکومتی رکن علی مدد جتک اور جامعہ بلوچستان کی پروفیسر کے مابین تکرار کے معاملے پر وزیر اعلیٰ بلوچستان میر سرفراز بگٹی نے تمام حکومتی اراکین کو عوام کے مسائل کو صبر کے ساتھ سننے کی ہدایت کر دی.
تفصیلات کے مطابق اس بارے میں وزیر اعلیٰ بلوچستان کا مزید کہنا تھا کہ عوام کے منتخب نمائندے ہیں ، عوامی مشکلات کو سننا اور حل کرنا ہماری ذمے داری ہے .
ہمیں عوامی مسائل کو حل کرنے کا مینڈیٹ ملا ہے.
عوام کا اعتماد ریاست اور اسکے نظام پر بحال کرنا ہماری ذمہ داری ہے ، ان کا مزید کہنا تھا کہ جہاں حکومت غلطی کریگی عوام سے معذرت کریگی ، خدمت بہتری ہمارا موٹو ہے غلطی کرسکتے ہیں بدنیتی اور بددیانتی نہیں ، پاکستان کی سیاست میں اور بالخصوص پیپلزپارٹی کیلئے خواتین کا احترام سب سے زیادہ ہے ، پارٹی کی قیادت دو خواتین محترمہ نصرت بھٹو اور بی بی بے نظیر بھٹو شہید نے کی ۔