وش ویب : آئی جی پولیس بلوچستان کے حکم پرغیر قانونی اسلحہ کے خلاف مہم 14 اپریل تک جاری رہے گی اس سلسلے میں آج ڈی ایس پی کلیم اللہ جلالزئی،ایس ایچ او عبدالرحمن لونی کی قیادت میں ایک ریلی نکالی گئی ،ریلی شہر کے مختلف شاہراہوں سے گزری۔

اس دوران ایس ڈی ی او کلیم اللہ جلالزئی نے میڈیا سے بات چیت کرتے ہوئے ہوئے کہا کہ آئی جی بلوچستان پولیس کے حکم پر پورے بلوچستان میں غیر قانونی اسلحہ رکھنے یافضول استعمال کرنے یا نمائش کرنے کے خلا ف عوام کو آگاہی دی جارہی ہے۔ لہذا غیر قانونی اسلحہ رکھنے والوں سے اپیل ہے کہ وہ غیر قانونی اسلحہ رکھنے اور استعمال کرنے سے گریز کریں۔

انہوں نے کہا کہ عوام غیر قانونی اسلحہ رکھنے والوں کی نشاندہی کریں، ان کے نام صیغہ راز میں رکھے جائیں گے۔ انہوں نے کہا کہ آج کا دور قلم کا دور ہے، اسلحہ کے بے جا استعمال سے اور ہوائی فائرنگ سے قیمتی جانیں ضائع ہوتی ہیں، اسلحہ کے بے جا استعمال سے گریز کیا جائے۔ اس سے گریز نہ کرنے والوں کے خلاف قانونی کاروائی عمل میں لائی جائے گی۔