کندھ کوٹ:ایک ہفتہ قبل اغوا ہونے والے نجی ٹی وی کے صحافی سلیم میرانی کے دو چچا زاد بھائی سمیت اغوا ہونے والے تمام مغویوں کی بازیابی کیلئے کندھ کوٹ میں شٹر ڈاؤن ہڑتال کی گئی اور احتجاجی ریلی بھی نکالی گئی۔
احتجاجی ریلی سندھ ملا فورم سیاسی سماجی پارٹیوں اور معزز شہریوں کی جانب سے کی گئی۔
ریلی میں شریک سیاسی سماجی پارٹیوں سمیت اور شہریوں کا کہنا ہے آئے روز اغوا برائے تاوان ڈکیتیوں کی وجہ سے عوام پریشان ہے۔
مظاہرین کا کہنا ہے کہ ڈاکو اسلحے کے زور پر کبھی مسافروں کو اغوا تو کبھی شہریوں اغوا کر رہے ہیں ، مگر پولیس ڈاکوں کو پکڑنے میں ناکام ہے۔
دن دیہاڑے ڈاکو اسلحے کے زور پر مختلف دکانوں سے لوٹ مار کرتے ہیں مذمت پر ڈاکو دکانداروں کو زخمی کر کے فرار ہو جاتے ہیں۔
شہریوں نے وزیر اعلی اور آئی جی سندھ سے یہ مطالبہ کیا ہے کہ اغوا ہونے والے مغویوں کو جلد بازیا کروا کے ضلع بھر کا امن و امان بحال کروایاجائے۔