جعفرآباد (مصری بگٹی): وزیراعظم رمضان ریلیف پیکج بھی بلوچستان تک نہ پہنچ سکا. جعفرآباد میں رمضان المبارک کی آمدکے ساتھ گرانفروش سرگرم ہوگئے ہیں۔جوکہ شہریوں اور روزیداروں سے من مانی ریٹ وصول کررہے ہیں،جس کی وجہ سے مزدورطبقہ انتہائی پریشانی کے شکارہیں۔
رمضان المبارک کا چاندن ظرآتے ہی راتو رات روزمرہ کے اشئیا اور پھل سبزیوں کی قیمتوں میں دگنا اضافہ کردیا گیا ہے۔گوشت کھانا توغریب کے لیئے صرف خواب ہی رہ گیا ہے لیکن دال چاول چینی گھی آٹا بھی غریب کی دسترس سے دور کردیئے گئے ہیں، خودساختہ مہنگائی سے لوگ شدید مشکلات کا شکار ہیں.
دوسری جانب دکانداروں کے مطابق ٹیکس صرف تاجر برادری اور غریب طبقے پرلگایا جارہا ہے یہی وجہ ہے کہ گزشتہ رمضان کے نسبت اشئیاخورنوش اور پھل سبزیوں کی قیمتوں میں 80سے 100 فیصد تک اضافہ ہوگیا ہے۔
رحمتوں اور برکتوں کامہینہ ماہ رمضان المبارک کی آمدکے ساتھ جعفرآبادمیں بھی منافع خور روزے داروں کولوٹنے میں مصروف ہوگئے ہیں ضرورت اس امرکی ہے کہ انتظامیہ نوٹس لیکرغریب عوام کوماہ رمضان میں زیادہ سے زیادہ ریلیف دے تاکہ ایک دیہاڑی دارمزدوربھی اپنے بچوں کے ساتھ روزہ رکھ کرثواب حاصل کرسکے۔