وش ویب: مینڈٹ چوری کے خلاف پی ٹی آئی کے زیر اہتمام مرکزی کال پر جعفرآبادمیں بھی احتجاجی مظاہرہ کیا گیا مظاہرین نے ڈیرہ اللہ یار اے ون سٹی سےریلی نکالی اور روڈ کو بلاک کردیا.
مظاہرین نے مینڈٹ چوری کے خلاف سخت ے تعریبازی کی اس موقع پر خطاب کرتے ہوئے صوبائی رہنما پاکستان تحریک انصاف میرنصیب اللہ کھوسہ اور صوبائی جنرل سیکریٹری میرجہانگیررندنے کہا ہے کہ ملک بھر سے پی ٹی آئی کی مینڈٹ کوچوری کیا گیا ہے.
ہماری جیت کوشکست میں بدلنے والے ملک کے خیرخواہ نہیں ہو سکتے ہیں عوامی رائے کو اہمیت دینے کے بجائے ملک پر چور حکمران مسلط کیئے گئے ہیں جس کی جتنی مذمت کی جائے کم ہے پاکستان تحریک انصاف مینڈٹ چوری کے خلاف تحریک چلائے گی۔
ہمارا مطالبہ ہے کہ ہماری مینڈٹ کو واپس کرکے عوامی رائے کواہمیت دیا جائے۔
وش ویب:پاکستان کرکٹ بورڈ (پی سی بی) نے اسلام آباد یونائیٹڈ کے فاسٹ بولر نسیم شاہ پر میچ فیس کا 10 فیصد جرمانہ عائد کردیا۔
کرکٹر نسیم شاہ نے گزشتہ روز اسلام آباد یونائیٹڈ اور ملتان سلطانز کے مابین کھیلے جانے والے میچ کی آخری بال کے بعد غصے میں اسٹمپ کو لات ماری تھی۔
پی سی بی کے مطابق نسیم شاہ نے ملتان سلطانز کے خلاف میچ میں لیول ون قانون کی خلاف ورزی کی ہے، ان پر آرٹیکل 2 کے پوائنٹ 2 کے تحت جرمانہ عائد کیا گیا جب کہ فاسٹ بولر نسیم شاہ نے اپنی غلطی کا اعتراف بھی کیا ہے۔
علاوہ ازیں پی سی بی نے ملتان سلطانز پر بھی سلو اوور ریٹ کی وجہ سے 10 فیصد جرمانہ عائد کیا، ملتان سلطانز نے ایک اوور مقررہ وقت کے بعد کرایا تھا۔
