نصیر آباد(ریاض بلوچ): سٹی سمیت ضلع بھر میں ٹرانسفارمر کوئل چوری میں ملوث گینگ کو بے نقاب کردیا گیا۔
ایس ایس پی نصیرآباد ڈاکٹر محمد سمیع ملک نے سٹی پولیس تھانہ میں پریس کانفرنس کرتے ہوئے بتایا کہ گزشتہ کئی روز سے سٹی سمیت ضلع بھر میں ٹرانسفارمر کوئلز چوری گینگ سرگرم تھا ،آئے روز ٹرانسفارمر کے کوائلز چوری کی شکایات موصول ہوتی تھیں ۔
ان شکایات کے پیش نظر ڈی آئی جی نصیرآباد رینج ملک محمد سلیم لہڑی کی ہدایات پر ڈی ایس پی سرکل سٹی یاسین جمالی کی سربراہی میں ٹیم تشکیل دے کر ٹرانسفارمر کوئل چوری ملوث گینگ کو بے نقاب کرنے کا ٹاسک دیا گیا تھا۔
ٹیم نے لیڈی کانسٹیبل صباء کی معاونت پر اہم کاروائی کرتے ہوئے ٹرانسفارمر کوئل چوری میں ملوث گینگ کے تین ملزمان کو گرفتار کرکے اس کے قبضے سے تمام چوری شدہ کوئلز جن کی مالیت تقریباً 15 سے 20 لاکھ بنتی ہے برآمد کرلی ہیں۔
گینگ میں ملوث دیگر ملزمان کی گرفتاری بھی جلد متوقع ہے۔