جعفرآباد (مصری بگٹی): دنیا بھر میں آج کے دن کو بلوچ کلچر ڈے کے طورپر منایا جا رہا ہے، نواب دین کالونی سوئی میں بھی اس دن کی مناسبت سے رنگا رنگ تقریب کا اہتمام کیا گیا.
جس میں بڑی تعداد میں لوگ شریک ہوئے۔ اس موقع پر بڑوں کے ساتھ ساتھ بچے بھی خوبصورت رنگوں سے مزین بلوچی ملبوسات زیب تن کئے ہوئے تھے تقریب کے مہمان خصوصی ونگ کمانڈر لیفٹینٹ کرنل اسد الرحمان کے علاوہ قبائلی عمائدین اور عوام کی بڑی تعداد میں شرکت
تقریب میں ثقافتی دھنوں پر بلوچی رقص”چاپ“ پیش کیا جس نے تقریب کو چار چاند لگا دیئے۔ تقریب میں جہاں ثقافتی موسیقی نے تڑکا لگایا وہیں آئے مہمانوں نے بھی پروگرام کو خوب سراہا بلوچ کلچر ڈے کی تقریب میں آئے فنکاروں نے بھی پرفامنس دکھا کر شائقین سے خوب داد وصول کی تقریب میں بلوچی موسیقی کے سر بکھیرے گئے تقریب کے شرکاء سے بات چیت کرتے ہوئے ونگ کمانڈر ایف سی لیفٹنٹ کرنل اسد الرحمان نے کہا کہ زندہ قومیں وہی ہوتی ہیں جو اپنی ثقافت کو زندہ رکھتی ہیں آج کا دن اس عہد کی تجدید کا بھی دن ہے کہ آئندہ آنے والی نسلوں کو اپنی قدیم ثقافت سے روشناس کرایا جائے گا۔