وش ویب: حالیہ طوفانی بارشوں کے بعد گوادر شہر میں ضلعی انتظامیہ اور پی ڈی ایم اے متحرک نہ ہوسکی .
گوادر شہر کے اندر سیکنڑوں رہائشی مکانات ابھی بھی پانی میں ڈوبے ہوئے ہیں۔محلے اور گلیوں کے اندر چار چار فٹ تک پانی کھڑا ہے ، لوگ مشکلات کا شکار ہوگئے۔بجلی کا نظام در هم بر هم بوگیا ، موبائل کمیونیکیشن میں بھی دشواری کا سامنا ہے.متاثرین کا کہنا ہے ضلعی انتظامیہ اور پی دی ایم اے نے عوام کو بے یار و مدد چھوڑ دیا گزشتہ 36 گھنٹوں سے زائد عوام اپنے گھروں میں محصور ہو کر رہ گئے . ضلعی انتظامیہ و پی ڈی ایم اے کو طوفانی بارشوں کا علم پہلے سے ہونے کے باوجود کوئی خاطر خواه اقدامات نہیں اٹھائے گئے ضلع کونسل و میونسپل کمیٹی کے چیرمنز، نومنتخب ایم پی اے گوادر مولانا ہدايت الرحمان بلوچ ونو منتخب ایم این اے حاجی ملک شاہ گورگیج گزشتہ 15 سال گوادر میں ایم پی اے رہنے والے سابق
ایم پی اے حمل کلمتی منظر عام سے غائب ہیں ،شہریوں کا کہنا ہے کہ حق دو تحریک کے رضاکار ، گوادر کے مختلف رضاکار اب تک متحرک نظر آئے ، گوادر پولیس متحرک نظر آئے پولیس کے علاوہ باقی فورسز میں اب تک نظر نہیں آئے ، جماعت اسلامی کے الخدمت فاؤنڈیشن بھی روپوش ہوگیا ، گوادر میں دیگر فلاحی اداروں نے بھیروپوشی کو امان سمجها.
گوادر کے عوام نے ملکی و غیر ملکی این جی اوز سے مدد طلب کر دی، دوسی جانب جیونی میں ایک سو سے زائد اسپیڈ بوٹ بارش کے پانی میں بہہ گئے۔ رات کو ہونے والی بارش نے جیونی کے ساحل کنارے کھڑی کشتیوں کو نقصان پہنچایا۔ ماہی گیر اپنی مدد سے پانی میں بہہ جانے والی کشتیوں کو نکال رہے ہیں۔ محکمہ فشریز بلوچستان نے ماہی گیروں کی کوئی مدد نہیں کی۔