کیچ (ماجد صمد): شاہینہ شاہین اکیڈمی آف آرٹس کے زیر اہتمام تربت کے علاقہ شاہی تمپ میں معروف آرٹسٹ شہید شاہینہ شاہین بلوچ کے نام سے منسوب آرٹ اکیڈمی کا شاندار افتتاح کیا گیا۔
پروگرام میں بچوں نے نعت بلوچی ترانہ” ما م چکیں بلوچانی ما چکیں بلوچانی” کے گانے اور بلوچی دوچاپی و ٹیبلو پیش کیا گیا۔ پروگرام میں خواتین، بچوں اور طلبہ کی بڑی تعداد نے شرکت کی۔پروگرام سے شہید شاہینہ شاہین کی والدہ بی بی ماه رنگ ،بلوچ شاہینہ شاہین کی ہمشیرہ اور اکیڈمی کی چیئرپرسن معصومہ شاہین نیشنل پارٹی کیچ کی خاتون سیکرٹری شاری ابوالحسن بلوچ، پروگرام میں حق دو تحریک کیچ کے سرگرم رہنما نوید نصیر بلوچ، بلوچی فلم انڈسٹری کے معروف ادکار اور ڈائریکٹر راشد حسن بلوچ اور سماجی کارکن فاطمہ آدم بلوچ نے شاہینہ شاہین کی سماجی، ادبی خدمات اور میگزین درگہار کے حوالےسے اظہار خیال کیا۔اس پروقار پروگرام میں خواتین کی میگزین ‘دزگہار’ کی چوتھی ایڈیشن کی رونمائی کی گئی۔