وش ویب:بلوچستان میں حکومت سازی کا معاملہ،مسلم لیگ ن بلوچستان اور پیپلز پارٹی بلوچستان کا مشترکہ اجلاس۔
اجلاس میں بلوچستان میں حکومت سازی، وزارتوں کی تقسیم سے متعلق مشاورت ہوئی۔ اجلاس میں ملاقاتوں کا سلسلہ جاری رکھنے اور مل کر بلوچستان کے معاملات کے حل اور صوبے کی ترقی کے لئے تمام کاوشیں بروئے کار لانے کا عزم کیا گیا۔ اجلاس میں فیصلہ کیا گیا کہ دونوں پارٹیوں کی مرکزی قیادت کی مشاورت اور فیصلوں کے مطابق صوبے میں ایک دوسرے سے بھرپور تعاون جاری رکھا جائے گا۔ اجلاس میں سابق وزرائے اعلیٰ نواب ثنا ءاللہ زہری، جام کمال خان، سرفراز بگٹی، جعفر خان مندوخیل، میر چنگیز جمالی، سربلند خان جوگیزئی، نومنتخب اراکین بلوچستان اسمبلی حاجی علی مدد جتک، میر عبید گورگیج، سردار سرفراز ڈومکی، بخت محمد کاکڑ، اسفند یار کاکڑ، سردار عبدالرحمان کھیتران سمیت دیگر رہنماء بھی موجود تھے۔