وش ویب :ایس ای سی پی کے مطابق ملک میں 1 ماہ کے دوران 2 ہزار 651 نئی کمپنیاں رجسٹرڈ ہوئیں، یوں رجسٹرڈ کمپنیوں کی تعداد 2 لاکھ 12 ہزار 108 ہوگئی۔اعداد و شمار کے مطابق نئی کمپنیوں کی رجسٹریشن میں سالانہ 10 فیصد اضافہ ہوا ہے۔
ایس ای سی پی کے مطابق جنوری 2024 میں رجسٹرڈ ہونے والی نئی کمپنیوں میں 58 فیصد پرائیویٹ ہیں جبکہ 5 غیر ملکی ہیں۔جنوری میں تقریباً 99 اعشاریہ 85 فیصد کمپنیاں آن لائن رجسٹرڈ ہوئیں۔ جنوری میں انفارمیشن ٹیکنالوجی (آئی ٹی) کی 356 کمپنیوں نے رجسٹریشن کرائی ہے۔
اعداد و شمار کے مطابق تجارت کے شعبے میں 319، رئیل اسٹیٹ کی 277، سیاحت شعبے میں 145، تعلیم میں 116 کمپنیاں رجسٹر ہوئیں۔68 کمپنیوں میں غیر ملکی سرمایہ کاری رپورٹ کی گئی۔