وش ویب: نوابزادہ حاجی میر لشکری خان رئیسانی اور مصطفی نواز کھوکھر میں رابطہ، انتخابی نتائج پر تشویش کا اظہار،سیاسی جماعتوں کو مشترکہ جدوجہد کی دعوت دیدی،
ذرائع نے بتایا ہے کہ بلوچستان گرینڈ الائنس کے سربراہ و سینئر سیاست دان نوابزادہ حاجی میر لشکری خان رئیسانی اور سابق سینیٹر و انسانی حقوق کے سرگرم کارکن مصطفی نواز کھوکھر کے درمیان بدھ کی شب ٹیلی فونک رابطہ ہوا دونوں رہنماؤں نے جعلی الیکشن کو ایک بہت بڑے بحران کا پیش خیمہ قرار دیتے ہوئے اس پر تشویش کا اظہار کیا.
اور اس بات پر اتفاق کیا ہے کہ وہ سیاسی جماعتیںجو یہ سمجھتی ہیں کہ انتخابات میں دھاندلی ہوئی ہے اور انہیںانتخابی نتائج پر اعتراضات ہیں اور وہ ملک کو بحرانوں سے نکالنا چاہتی ہیں ان سے رابطہ کرکے مشترکہ جدوجہد کی دعوت دی جائیگی تاکہ مشترکہ جدوجہد کے ذریعے ملک اور صوبوں کو حالیہ بحران سے باہر نکا لا جاسکے، ذرائع نے بتایا ہے کہ بلوچستان سے تعلق رکھنے والی سیاسی جماعتوں سے رابطوں کیلئے نوابزادہ حاجی میر لشکری خان رئیسانی کی سربراہی میں آج بروز جمعرات کمیٹی تشکیل دی جائیگی جبکہ دیگر صوبوں میں رابطوں کیلئے بھی آج کمیٹیاں تشکیل دی جائیں گی۔