کوئٹہ میں ڈی سی آفس کوئٹہ کے سامنے چار جماعتی اتحاد کی جانب سے عام انتخابات میں دھاندلی کیخلاف احتجاجی جلسہ تیسرے روز بھی جاری.
چار جماعتی اتحاد میں نیشنل پارٹی ، پشتونخوا ملی عوامی پارٹی ، بلوچستان نیشنل پارٹی اور ہزارہ ڈیموکریٹک پارٹی کے کارکنان بڑی تعداد میں موجود ہیں۔ احتجاجی عمل کو دیر پا جاری رکھنے کے لیے خیمے اور قالینوں کا بھی انتظام کرلیا گیا ۔ تمام پارٹیوں کا موقف ہے کہ فارم 45 کے مطابق انتخابات کے نتائج کا اعلان کیا جائے بصورت دیگر یہ احتتاج جاری رہیگا اور اس میں مزید شدت بھی لائی جائے گی جبکہ ڈی سی آفس کے چاروں اطراف سے روڈ بند ہونے کے سبب کوئٹہ کی ٹریفک متاثر ہے۔
دوسری جانب چار اتحادی جماعتوں کی جانب سے کل کویٹہ میں شٹر ڈاؤن ہڑتال کی کال بھی دی گئی ہے ۔
