کیچ (ماجد صمد): عام انتخابات میں نیشنل پارٹی کے کامیاب امیدواروں کے انتخابی نتائج تبدیل کرنے کے خلاف نیشنل پارٹی کی جانب سے پارٹی صدر ڈاکٹر عبدالمالک بلوچ کی قیادت میں الیکشن سیل تا ڈی آر اور آر او کے دفاتر تک احتجاجی ریلی نکالی گئی۔
ڈی سی کے دفتر کے سامنے احتجاجی دھرنا دیا گیا۔ مقررین نے خطاب کرکے دھاندلی سے من پسند لوگوں کو عوام پر مسلط کرنے کی مزمت کی۔ بعد ازاں تربت کے مرکزی چوک پر احتجاجی مظاہرہ کرکے ڈاکٹر مالک بلوچ نے خطاب کرتے ہوئے کہا کہ بلوچوں کے حق نمائندگی چھین کر چوروں کو راتوں رات کامیاب کرایا گیا۔۔انہوں نے الزام لگایا کہ انکو کامیاب کرایاگیا جس نے 50 کروڑ تا ایک ارب روپے رشوت دیی ۔ پختون حلقوں سے لیکر بلوچ حلقوں تک سازش کے تحت قوم پرستوں کو پارلیمنٹ سے دور رکھا گیا ہے ان سازشوں کیخلاف سیاسی و جمہوری مزاحمت جاری رہے گی۔