وش ویب:بلوچستان میں آئندہ عام انتخابات کے دوران بلوچستان کے تمام ہسپتالوں کو کسی بھی ہنگامی صورتحال سے نمٹنے کے لیے تمام انتظامات مکمل کر لی گئی ہیں۔
انتخابات 2024 کے لیے ایمرجنسی رسپانس سیل کی ٹیم نے کنوینیر ڈاکٹر فہیم خان کی سربراہی میں ٹراما سینٹر اور سول ہسپتال کا دورہ کیا۔اس موقع پر ڈائریکٹر ایمرجنسی رسپانس سیل ڈاکٹر سید یاسر حسین شاہ، ڈائریکٹر آپریشن مرک 1122 ریاض احمد اور ایڈیشنل ڈائریکٹر ٹراما سینٹر ڈاکٹر آمنہ موجود تھے۔مینجنگ ڈائریکٹر ٹراما سینٹر ڈاکٹر ارباب کامران اور ایم ایس سول ہسپتال کوئٹہ ڈاکٹر اسحاق پانیزئی نے ایمرجنسی رسپانس سیل کی ٹیم کو انتخابات 2024 کی میڈیکل ایمرجنسی کے انتظامات کے بارے میں بریفنگ دی۔
ٹیم نے سول ہسپتال کوئٹہ اور ٹراما سینٹر میں ایمرجنسی بیڈز، سی ٹی اسکین، ایکسرے، فارمیسی کا دورہ کیا اور ایمرجنسی انتظامات کا جائزہ لیا۔ڈائریکٹر ایمرجنسی رسپانس سیل ڈاکٹر سید یاسر حسین شاہ کی نگرانی میں مرک 1122 کے آفس میں کنٹرول روم قائم کردیا کیا گیا ہے تاکہ کسی بھی ہنگامی صورتحال کا بروقت جواب دیا جا سکے۔ کنٹرول روم 10 فروری تک فعال رہے گا۔عام انتخابات کے دنوں میں تمام اضلاع کے تمام سرکاری ہسپتالوں میں ایمرجنسی نافذ کر دی گئی ہیں