وش ویب: بلوچستان عوامی پارٹی کے امیدوار حاجی اکبر آسکانی اور بی این پی مینگل کے رہنماؤں سید احسان شاہ، قومی اسمبلی کے امیدوار حاجی زاہد بلوچ نے مشترکہ پریس کانفرنس کی. پریس کانفرنس کرتے ہوئےان کا کہناتھا کہ متفقہ فیصلے کے تحت بی اے پی کے امیدوار میر جاسم بی این پی کے امیدوار حاجی زاہد کے حق میں دستبردار ہوگئے ہیں۔ ہم جاسم بلوچ کے فراغ دلی کے مشکور ہیں۔
رہنماؤں نے کہاکہ تین فریقی اتحاد مکران میں کامیابی حاصل کریگی، کیونکہ تین فریقی انتخابی اتحاد کی بدولت ہمارے امیدوار کی پوزیشن مضبوط ہے، ہماری کوشش ہوگی الیکشن کے بعد بھی یہ اتحاد بلوچ و بلوچستان کے مسائل کے حل کیلئے کوشش کریگی، اسمبلی فلور پر آواز بلند کریگی اور دیگر ہم خیالوں کےساتھ مل کر حکومت بنانے میں اپنا کردار ادا کریگی۔
اس موقع پر بی این پی کے مرکزی جوائنٹ سیکرٹری میر نزیر احمد، شے نذیر احمد، ڈاکٹر عبدالغفور، میر غفور احمد بزنجو، سید جان گچکی، ٹھیکیدار زبیر رند، حافظ صلاح الدین سلفی، عبدالواحد بلیدی اور دیگر موجود تھے.