ضلع کوئٹہ میں بلوچستان نیشنل پارٹی کے زیراہتمام انتخابی مہم کے سلسلے میں این اے 262 اور پی بی 40 کے نامزد امیدواران نوابزادہ اورنگزیب جوگیزئی اور نعمت اللہ ہزارہ کی کامیابی کیلئے جلسہ کلی امین آباد بروری میں ضلعی صدرغلام نبی مری کی صدارت میں ہوا
جلسہ میں مہمان خاص نوابزادہ اورنگزیب جوگیزئی اور اعزازی مہمان نعمت اللہ ہزارہ تھے۔ انتخابی جلسے سے پارٹی کی سینٹرل ایگزیکٹو کمیٹی کے ممبر و ضلعی صدر غلام نبی مری، این اے 262 سے پارٹی کے نامزد امیدوار نوابزادہ اورنگزیب جوگیزئی، پی بی 40 سے نامزد امیدوار نعمت اللہ، ہزارہ پارٹی کے مرکزی سوشل میڈیا کے ممبر ادریس پرکانی نیاز محمد ماما اسماعیل لہڑی اور دیگر نے خطاب کرتے ہوئے کہا کہ بلوچستان نیشنل پارٹی کی جدوجہد اور پارٹی قیادت کی قربانیاں اور کردار یہاں کے باشعور عوام کے سامنے کھلی کتاب کی مانند ہے۔ پارٹی نے ہمیشہ کوئٹہ شہر میں آباد تمام اقوام اور طبقات کے بنیادی حقوق عزت نفس اور سربلندی کیلئے ان قوتوں کی استحصالی پالیسیوں اور ظلم و جبر کے خلاف سیاسی جمہوری اور پارلیمانی انداز میں ہر سطح پر، ہر پلیٹ فارم پر آواز بلند کی اور اس کی پاداش میں ہماری قیادت اور پارٹی کے خلاف سازشوں اور بے بنیاد پروپیگنڈے کا سلسلہ جاری ہے.
مقررین نے کہاکہ بی این پی کی عوام دوست سیاست کو ہرگز کمزور اور ختم نہیں کیا جاسکتا۔
