کوئٹہ ( بلال فیروز): سپریم کورٹ کی جانب سے متنازعہ فیصلے کے خلاف پاکستان مرکزی مسلم لیگ کوئٹہ کی جانب سے پریس کلب کے باہر احتجاجی مظاہرہ کیا گیا.
جس میں مظاہرین نے عقیدہ ختم نبوت کے تحفظ، قادیانیت نوازی بند کرنے، قرآن میں تحریف نامنظور جیسے کتبے ہاتھوں میں تھامے ہوئے تھے،مظاہرین کی جانب سے سپریم کورٹ کے فیصلے کے خلاف شدید نعرے بازی بھی کی گئی.
مظاہرین کا مزید کہنا تھا کہ ختم نبوت ہمارے ایمان کا مسئلہ ہے اس مسئلے پر چیف جسٹس کا فیصلہ آئین کی سراسر منافی اور وطن عزیز کی 97 فیصد عوام کے جذبات کو ٹھیس پہنچانے کے مترادف ہے، عقیدہ ختم نبوت اسلام کا اساس ہے، اس حساس مسئلے پر فقط وضاحتی بیان دینا ناکافی ہے چیف جسٹس اس فیصلے پر نظرثانی کے بعد دوبارہ اپنا فیصلہ جاری کریں، مرکزی مسلم لیگ اس فیصلے کے واپس ہوجانے تک اپنا احتجاج جاری رکھے گی۔