وش یب:بلوچستان اسمبلی کا اجلاس اگلے چند روز میں بلائے جانے کا امکان۔
صوبائی اسمبلی سیکریٹریٹ کے مطابق عام انتخابات کے بعد تین ہفتوں کے اندر صوبائی اسمبلی کا اجلاس بلایا جانا ضروری ہے۔ مقرر وقت کے مطابق تین ہفتوں کا وقت 29 فروری کو پورا ہوگا تاہم گورنر بلوچستان اس سے پہلے کسی بھی تاریخ کو اسمبلی کا اجلاس طلب کرسکتے ہیں۔
اسمبلی سیکریٹریٹ کے مطابق گورنر نے 28 فروری تک اجلاس طلب نہ کیا تو 29 فروری کو ہر صورت اجلاس ہوگا، جس میں نومنتخب ارکان اپنےعہدوں کا حلف لیں گے۔ اور اس کے اگلے روز اسپیکر اور پھر ڈپٹی اسپیکر کا انتخاب ہوگا۔
بعد ازاں قائد ایوان کے انتخاب کیلئے شیڈول جاری ہوگا اور اگلے روز قائد ایوان کا انتخاب عمل میں لایا جائےگا۔ اسمبلی سیکرٹریٹ کے مطابق یہ سارا عمل چار دنوں میں مکمل کیا جائےگا۔
اسپیکر کے حلف کے بعد وزیر اعلیٰ کے لیے کاغذات نامزدگی اور اس کی جانچ پڑتال کی جائیگی اور اگلے روز انتخاب ہوگا۔