وش ویب: چمن الیکشن کے بعد انتظامیہ روپوش، عوام مافیا کے رحم وکرم پر.
تفصیلات کے مطابق چمن الیکشن کے بعد انتظامیہ روپوش، عوام مافیا کے رحم وکرم پر ہے. 8 تاریخ کو ایرانی پیٹرول 170 روپے فی لیٹر فروخت ہورہا تھا، الیکشن میں مبینہ دھاندلیوں کے خلاف صوبے کے بیشتر اضلاع میں شاہراہیں سیاسی پارٹیوں کی جانب سے بند کردی گئیں ،تاہم اب صوبے کی تمام شاہراہوں پر ٹریفک رواں دواں اور سیاسی پارٹیوں کی جانب سے احتجاجی دھرنے بدستور جاری ہیں.
دوسری جانب منی پمپس مالکان نے اس احتجاج سے خوب فائدہ اٹھایا اور فی لیٹر ایرانی تیل کی قیمتوں میں 100 روپے تک کا خود ساختہ اضافہ کردیا، اب جو کہ شہر بھر میں ایک لیٹر ایرانی پیٹرول 270 روپے تک فروخت کیا جارہا ہے.دھاندلی زدہ الیکشن کے بعد انتظامیہ روپوش ہے، شہری مافیا کے رحم وکرم پر ہیں ،شہر میں ڈکیتی کی ورداتوں میں اضافہ ہوا ہے ،جبکہ پرائسں کنٹرول کمیٹی کا کوئی نام ونشان تک نہیں ہے. ہر کسی نے ہر شے کا ریٹ خود مقرر کیا ہوا ہے۔ چیف سیکرٹری بلوچستان کمشنر، کوئٹہ ڈویژن اس صورتحال کا نوٹس لیں، بصورت دیگر سخت احتجاج کا راستہ اپنائیں گے۔
