وش ویب : اوورسیز پاکستانیوں کی جانب سے بھیجی گئی ترسیلات زر میں اضافہ ریکارڈ کیا گیا ہے۔
اسٹیٹ بینک کے مطابق جنوری کے مہینے میں پاکستانی محنت کشوں نے 2.4 ارب ڈالر وطن بھیجے،سالانہ بنیاد پر ترسیلات زرمیں 26.2 اور ماہانہ بنیاد پر0.6 فیصد اضافہ ریکارڈ کیا گیا۔
مالی سال کے ابتدائی 7 ماہ میں ترسیلات زر 15.83 ارب ڈالر رہیں، مالی سال 2023 کے ابتدائی 7 ماہ میں ترسیلات زر 16.31 ارب ڈالر رہی تھیں۔
اسٹیٹ بینک کی رپورٹ کے مطابق ترسیلات زر سعودی عرب، متحدہ عرب امارات، برطانیہ اور امریکا سے آئیں۔
