وش ویب: بلوچستان کے ضلع گوادر کی تحصیل جیونی میں سرکاری اسکول کے اسپورٹس روم میں کریکر حملہ کیا گیا ہے۔

پولیس نے بتایا کہ حملے کے نتیجے میں چھت کو نقصان پہنچا ہے۔پولیس کا کہنا تھا کہ کریکر حملے میں کوئی جانی نقصان نہیں ہوا، ملزمان کی تلاش جاری ہے.
پولیس کی جانب سے بتایا گیا کہ اسکول میں عام انتخابات کے لیے پولنگ اسٹیشن بھی قائم کیا گیا ہے۔

واضح رہے کہ کچھ دنوں سے بلوچستان میں حملوں میں اضافہ دیکھا جا رہا ہے، گزشتہ روز کوئٹہ، تربت اور جعفر آباد میں دھماکے کئے گئے تھے۔صوبائی دارالحکومت کوئٹہ میں سی پیک روڈ پر دھماکے سے ایک شخص جاں بحق ہوگیا تھا۔