نگران وزیراعلیٰ بلوچستان میر علی مردان خان ڈومکی نے بلوچستان کے مختلف علاقوں میں سیاسی رہنماوں کے انتخابی دفاتر اور عوامی مقامات پر تخریب کاری کے مختلف واقعات کی رپورٹ طلب کی.
نگران وزیراعلیٰ نے رپورٹ طلب کرتے ہوئے مختلف علاقوں میں شرپسندی کے مختلف واقعات کا نوٹس لیا اور محکمہ داخلہ بلوچستان اور چیف سیکرٹری بلوچستان کو سیکورٹی کے انتظامات مزید بہتر بنانے کی ہدایات کی
انھوں نے ان واقعات کے فوری ردعمل میں قانون نافذ کرنے والے اداروں کی بروقت کارروائی کو سراہتے ہوئے کہا ہے کہ بلوچستان میں عام انتخابات کے قومی عمل کو ثبوتاڑ کرنے کی ہر سازش کو ناکام بنانے کے لئے تمام ادارے باہمی رابطہ کاری سے متحرک ہیں اور بحالی امن کے لئے تمام دستیاب وسائل بروئے کار لائے جاررہے ہیں۔
نگراں وزیر اعلٰی بلوچستان نے کہا کہ صوبے میں انتخابات کے دوران عوام میں خوف و ہراس پھیلا کر انتخابی عمل سے دور رکھنے کی کوئی سازش کامیاب نہیں ہوگی عوام کے جانی و مالی تحفظ کے لئے تمام دستیاب وسائل بروئے کار لائے جارہے ہیں۔
انھوں نے مزید کہا کہ بلوچستان کی عوام انتخابات کے قومی فریضہ کی ادائیگی میں بڑھ چڑھ کر حصہ لیں اور روشن مستقبل کے لئے جمہوری طریقے سے اپنے نمائندوں کا انتخاب کریں جو ان کے مسائل اور مشکلات کے حل کا مداوا کرسکیں۔
