وش ویب: ذرائع کے مطابق بلوچستان حکومت کی جانب سے صحت کارڈ کے سیکٹرز کو محکمہ خزانہ بلوچستان کی جانب سے رقوم کی عدم ادائےگی کے باعث تیسرے ماہ ہی بند ہوگیا۔ صحت کارڈ کی بندش کی وجہ سے صوبے کے 18لاکھ افراد کا علاج داﺅ پر لگ گیاہے۔
صحت کارڈ محکمہ صحت کے پاس ہے جنہیں احسن طریقے سے چلایاجارہاتھا،، مگر محکمہ خزانہ کی جانب سے صحت کارڈ کی رقم ریلیز کرنے کیلئے شرط رکھی گئی جس کے کیلئے ایک علیحدہ اکاﺅنٹ بنا کر اور زیر دستخطی میں محکمہ خزانہ کے آفیسر کو بھی شامل کیاجائے، ذرائع نے دعویٰ کیاکہ محکمہ خزانہ کے آفیسر کو شامل کرنے سے کرپشن کے دروازے کھل جائیںگے۔
ذرائع کا کہنا ہے کہ محکمہ خزانہ کا یہ عالم ہے کہ مستونگ میں 12ربیع الاول کے جلوس میں زخمی ہونے والوں کو ادویات کی ادائیگی بھی نہیں کی، زخمیوں کی جان بچانے کیلئے ایدھی ایمبولینسز نے سول ہسپتال سے ریفر کئے بغیر سی ایم ایچ میں فارمیسی سے ادویات لی جن کے لاکھوں روپے کے بل ہے وہ بھی محکمہ خزانہ کی جانب سے روک دیاگیاہے۔