وش ویب: فائیو اے سائیڈ ہاکی ورلڈکپ میں ہالینڈ نے پاکستان کو 3 کے مقابلہ میں 5 گول سے ہرادیا۔
مسقط میں جاری ایونٹ میں اپنے دوسرے میچ میں پاکستان کو ہالینڈ کیخلاف غضنفر علی نے 5ویں منٹ میں برتری دلا دی لیکن دسویں منٹ میں الیگزینڈر شوپ نے میچ برابر کردیا۔
میچ کے دوسرے کوارٹر میں گرین شرٹس کے کپتان رانا عبدالوحید نے پھر پاکستان کو برتری دلائی، لیکن وان ڈر ڈرفٹ نے اس بار برتری کا خاتمہ کیا۔
دوسرے ہاف کے بعد ڈچ ٹیم پوری طرح میچ پر چھاگئی اور گرین شرٹس کیخلاف مقابلہ 3-5 سے اپنے نام کرلیا۔
پاکستان ٹیم فائیو اے سائیڈ ہاکی ورلڈ کپ میں اپنا تیسرا میچ (پیر کو) پولینڈ کے خلاف کھیلے گی۔
