وش ویب: دفاعی نمائش آئیڈیاز 2024 کے موقع پر حفاظتی اقدامات کے تحت شہر قائد کی مختلف سڑکیں صبح 7 سے شام 7بجے تک بند رہیں گی جس کا پلان جاری کردیا گیا ہے۔
کراچی میں دفاعی نمائش آئیڈیاز کے موقع پر حفاظتی اقدامات کے تحت شہر کی مختلف سڑکوں کو بند کیا گیا ہے۔
ٹریفک پولیس کا بتانا ہے کہ نیشنل اسٹیڈیم فلائی اوور ٹریفک کے لیے مکمل بندہوگا، آغاخان اسپتال سے بائیں جانب روڈ حسن اسکوائرٹریفک کے لیے بند ہوگا جب کہ اسٹیڈیم سگنل سے حسن اسکوائر تک روڈ ٹریفک کےلیے بند ہوگا۔
ٹریفک پولیس کے مطابق شاہراہ فیصل سےہیوی اور کمرشل گاڑیوں کا کارساز روڈ پر داخلہ بند رہے گا، ہیوی اورکمرشل گاڑیاں شاہراہ فیصل سے ڈرگ روڈکا راستہ اختیارکریں، ملینیئم مال سے اسٹیڈیم روڈ پر ہیوی اور کمرشل گاڑیوں کا داخلہ عارضی طور پر بند ہوگا، نیپا سے حسن اسکوائر اور جیل چورنگی سے حسن اسکوائر تک ہیوی اورکمرشل ٹریفک کو جانے کی اجازت نہیں ہوگی۔
ٹریفک پولیس کے مطابق شاہراہ فیصل ڈرگ روڈتا نیپا سڑک ہیوی اور کمرشل گاڑیوں کے لیےکھلی ہوگی، تمام کمرشل گاڑیاں شہید ملت روڈیا تین ہٹی روڈکا استعمال کریں، ٹریفک کو پی پی چورنگی اور شہید ملت روڈ کی جانب بھیجا جائےگا۔
ٹریفک پولیس حکام کا کہنا ہے کہ لیاقت آباد 10 نمبر سے حسن اسکوائر ٹریفک کو جانےکی اجازت نہیں ہوگی جب کہ ہیوی اورکمرشل ٹریفک لیاقت آباد10 نمبرسے تین ہٹی کی جانب جاسکےگی۔
