وش ویب: محکمہ موسمیات نے ملک کے بالائی علاقوں میں آج رات بارش کی پیشگوئی کی ہے۔
محکمہ موسمیات کےمطابق ملک کے بیشترعلاقوں میں سرد اورخشک موسم متوقع ہے۔
کوئٹہ سمیت بلوچستان کے ضلع زیارت، پشین، قلعہ عبداللہ، قلعہ سیف اللہ، ژوب، شیرانی، موسیٰ خیل، بارکھان اور سبی میں چند مقامات پربارش کا امکان ہے۔ تاہم شمالی اضلاع میں مطلع جزوی ابرآلود رہنے کی توقع ہے۔
سندھ کے بیشتراضلاع میں موسم خشک رہیگا جبکہ ملک کے بالائی خیبرپختونخوا،گلگت بلتستان اورکشمیرمیں مطلع ابرآلود رہنے کےعلاوہ گرج چمک کےساتھ بارش اور پہاڑوں پرہلکی برفباری متوقع ہے۔
دوسری جانب پنجاب کے زیادہ ترعلاقوں میں سموگ اور شدید دھند چھائے رہنے کا امکان ہے۔ جبکہ وفاقی ادارہ ماحولیات کے مطابق دارالحکومت کی فضا دو سو نو اعشاریہ تین کے ایئرکوالٹی انڈیکس کے ساتھ انتہائی مضر صحت ہے۔
