وش ویب: جیکب آباد میں ملزمان نے دکاندار سے 5 لاکھ روپے لوٹ لیے، ڈکیتی واردات کیخلاف قومی شاہراہ پر احتجاج، مظاہرین پولیس مخالف نعرے بازی کی۔
تھانہ صدر کے علاقے جان محمد کالونی میں ملزمان نے اسلحہ کے زور پر مرزا پہنور نامی دکاندار سے 5 لاکھ روپے چھین کر فرار ہوگئے.
ڈکیتی واردات کیخلاف متاثرہ شخص نے شہریوں کے ہمراہ قومی شاہراہ پر احتجاج کیا اور سڑک کو ٹریفک کیلئے بند کرکے ٹائر نذر آتش کیے. احتجاج میں شامل مظاہرین نے پولیس مخالف نعرے بھی بلند کیے.
متاثرہ شخص نے بتایا کہ موٹر سائیکل پر سوار نقاب پوش ملزمان دکان میں داخل ہوئے اور اسلحہ کے زور پر یرغمال بنایا دکان میں موجود رقم 5 لاکھ روپے چھین کر بآسانی فرار ہوگئے، ڈکیتی واردات کی اطلاع دینے کے باوجود پولیس کسی قسم کا تعاون کرنے کیلئے تیار نہیں.
مظاہرین نے چھینی گئی رقم کی واپسی سمیت شہر میں امن کے قیام کو بہتر بنانے کا ارباب اختیار سے نوٹس لینے کا مطالبہ کردیا
