وش ویب: بلوچستان اسمبلی کا اجلاس میں قرارداد نمبر 24 منجانب سید ظفر علی آغا ، رکن صوبائی اسمبلی، ایوان میں پیش ہوئی۔
سید ظفر علی آغا کا کہنا تھا کہ ضلع پشین میں عوام کی سہولت کی خاطر پاسپورٹ آفس کا قیام عمل میں لایا گیا ہے ۔ جہاں پر اب تک فیمیل فوٹوگرافر کی سہولت نہ ہونے کی بنا پر میل فوٹوگرافر خواتین کی تصاویر اتارتے ہیں جو کہ مذہبی اور قبائلی روایات کے خلاف ہے، لہذا یہ ایوان صوبائی حکومت سے سفارش کرتا ہے کہ وہ وفاقی حکومت سے رجوع کرے کہ ضلع پشین پاسپورٹ آفس میں فیمیل فوٹوگرافر کی تعیناتی کو یقینی بنائے ، تاکہ علاقے کی خواتین کو در پیش مسئلہ حل ہو سکے ۔
اصغر ترین کی جانب سے سید ظفر علی آغا کی قرارداد کی حمایت کی گئی انہوں نے کہا کہ ضلع پشین میں نادرا بہت بہتر ہوا ہے، فیمیل کو ہی فیمیل کی تصویر لینی چاہیے ، پاسپورٹ آفس کے دیگر مسائل کو فوری حل کیا جائے جس پر ایوان نے سید ظفر علی آغا کی قرارداد نمبر 24 کو منظور کر لی.
