وش ویب: بلوچستان اسمبلی میں خیر جان بلوچ نے پوائنٹ آف آرڈر پر خطاب کرتے ہوئے کہا کہ آواران مسائل سے دوچار ہے.
ان کا کہنا تھا کہ ڈی سی آواران لوکل گورنمنٹ کے نمائندوں سے امیتازی سلوک کررہے ہیں، ایسے ڈی سی کو آواران میں لگایا جائےجوایماندار ہو، آواران کے عوامپر ظلم نہ کیا جائے، نوجوان پہلے ہی ناراض ہیں، حالات پر توجہ دیں
جبکہ عبدالرحمن کھیتران کا کہنا تھا کہ ژوب ڈویژن میں امن وامان کا مسئلہ خراب ہوچکاہے، انتظامیہ نے آج تک منتخب نمائندوں سے رابطہ نہیں کیا، بی ایل اے کو دکی میں بھتہ دیا جا رہا یے، سرعام اسمگلنگ ہورہی ہے، لوگوں کوتحفظ دیں، رٹ آف گورنمنٹ ہونی چاہیے، نمائندے ووٹ لیکر آتے ہیں وہ خیراتی ہے.
جس پر ڈاکٹر مالک بلوچ نے کہا کہ لوکل باڈی کے چیرمین کو اہمیت نہیں دی جاتی، نیشنل پارٹی کے تمام چیرمین کو برطرف کردیں تو تمام مسائل حل ہوجائیں گے، جس پر سرفراز بگٹی نے ڈاکٹر مالک کے تحفظات دور کرنے کےلٰئے کمیٹی بنانے کا اعلان کیا۔