وش ویب: پاکستان ٹیم کے بلے باز کامران غلام نے ٹیسٹ ڈیبیو میں شاندار سنچری بنا کر نیا اعزاز اپنے نام کرلیا۔
ملتان کرکٹ اسٹیڈیم میں کھیلے جارہے انگلینڈ کے خلاف سیریز کے دوسرے ٹیسٹ میچ کی پہلی اننگز میں کامران غلام ڈیبیو پر سنچری کرنے والے 13ویں پاکستانی بلے باز بن گئے ہیں۔
انہوں نے ملتان ٹیسٹ کی پہلی اننگز میں 118 رنز بنائے جبکہ انکی اننگز میں 9 چوکے اور ایک چھکا شامل تھا۔
پاکستان کی جانب سے سب سے پہلے خالد عباد اللہ نے 1964 میں یہ کارنامہ سرانجام دیا تھا، بعدازاں لیجنڈری جاوید میاندار نے 1976، سابق کرکٹر سلیم ملک نے 1982 میں سینچری بنائی تھی۔
اس فہرست میں یونس خان، توفیق عمر، یاسر حمید، فواد عالم، عمر اکمل اور عابد علی کا نام سر فہرست ہے۔