وش ویب: سائبر کرائم سرکل کوئٹہ نے کاروائی کرتے ہوئے آن لائن جنسی ہراسانی اور بلیک میلنگ میں ملوث ملزم گرفتار ہوگیا۔
ملزم حمید اللہ کو چھاپہ مار کاروائی میں سیٹلائٹ ٹاؤن کوئٹہ سے گرفتار کیا گیا۔ ملزم کے قبضے سے موبائل فون ضبط کر لیا گیا۔ ترجمان ایف آئی اے کا کہنا تھا کہ ضبط شدہ فون سے مذکورہ سوشل میڈیا اکاؤنٹس اور دیگر شواہد بھی برآمد کر لیے گئے۔
ملزم متاثرہ خاتون کے نام پہ جعلی سوشل میڈیا اکاؤنٹس بنا کر قابلِ اعتراض تصاویر اور ویڈیوز شئیر کرنے میں ملوث پایا گیا۔ ملزم ان اکاؤنٹس کے ذریعے متاثرہ خاتون اور اس کے گھر والوں کو بلیک میل کرنے میں ملوث تھا۔ ملزم کو گرفتار کر کے تفتیش کا آغاز کر دیا گیا ہے۔
