وش ویب: بلوچستان اسمبلی کے 65 کے ایوان میں 5 نشستیں خالی ، عام انتخابات میں سب سے بڑی پارلیمانی جماعت بن کر ابھرنے والی پاکستان پیپلز پارٹی پارلیمنٹرینز کو اب تک 3 نشستوں کا خسارہ ہوچکا .
تفصیلات کے مطابق بلوچستان اسمبلی کے پی بی 44 کوئٹہ VII سے متعلق الیکشن ٹربیونل نے فیصلہ سناتے ہوئے پیپلز پارٹی کے رکن عبید گورگیج کو ڈی نوٹیفائی کردیا، اس سے پہلے الیکشن ٹریبونل نے پی بی 36قلات سے کامیاب ہونے والے بلوچستان عوامی پارٹی کے میر ضیاء اللہ لانگو اور پی بی 45 سے کامیاب ہو نے والے پیپلز پارٹی کے حاجی علی مدد جتک کو بھی ڈی نوٹیفائی کیا تھا جبکہ پی بی 21 حب پر تاحال الیکشن نتائج جاری نہیں ہوسکے جبکہ سپریم کورٹ نے حلقے کے انتخابات کے کیس پر فیصلہ محفوظ کر رکھا ہے ۔اسکے علاوہ پی بی 8 سبی کی نشست پیپلز پارٹی کے امیدوار سردار سرفراز ڈومکی کی وفات کے باعث خالی ہوئی
