وش ویب : جیکب آباد میں سی آئی اے پولیس نے کارروائی کرتے ہوئے غیر قانونی اسلحہ کی اسمگلنگ کی کوشش کو ناکام بنا کر دو ملزمان کو گرفتار کرکے مقدمہ درج کرلیا۔
تھانہ صدر کے علاقے گوٹھ عبداللہ لاشاری کے قریب خفیہ اطلاع پر پولیس نے گاڑی کی تلاشی لی تو گاڑی میں خفیہ طریقے سے چھپایا جانے والا غیر قانونی اسلحہ برآمد کرلیا،
ایس ایس پی (ر) کیپٹن صدام حسین خاصخیلی کے مطابق برآمد ہونے والے اسلحہ میں 4 بندوقیں، 2 ٹی ٹی سمیت ایک رائفل اور 200 گولیاں برآمد کر کے اسلحہ اسمگلنگ میں ملوث دو ملزمان غلام مصطفیٰ میرانی اور اسماعیل کھوسہ کو گرفتار کرکے مقدمہ درج کرلیا گیا ہے
ایس ایس پی کا مزید کہنا تھا کہ برآمد ہونے والا اسلحہ بلوچستان سے سندھ منتقل کرنے کی کوشش کی جارہی تھی۔۔۔