وش ویب: گورنمنٹ ٹیچرز ایسوسی ایشن بلوچستان ضلع کیچ کے زیراہتمام اساتذہ کے احترام و عظمت کے حوالے سے گرلز ماڈل ہائی سکول تُربَت کے ہال میں پُروقار تقریب منعقد ہوئی۔
تقریب کی صدارت جی ٹی اے کیچ کے صدر اکبر علی اکبر کررہے تھے۔تقریب کے مہمانِ خصوصی سابق وزیراعلٰی بلوچستان و ایم پی اے ڈاکٹر عبدالمالک بلوچ تھے۔ تقریب کا آغاز تلاوت قرآن پاک سے ہوا جبکہ ایک اسٹوڈنٹ نے گانا گاکر اساتذہ کو خراج تحسین پیش کیا۔ تقریب سے ڈاکٹر عبدالمالک بلوچ، ڈویژنل ڈائریکٹر تعلیم اسکولز مکران عبدالغفور دشتی اور جی ٹی اے بی کیچ کے صدر اکبر علی اکبر نے اساتذہ کے عالمی دن کی مناسبت سے خطاب کیا۔
ضلع کیچ میں تدریس و تعلیم کے شعبے میں بہتریں کارکردگی پیش کرنے والے میل و فیمیل اساتذہ کرام کو تعریفی سرٹیفکیٹ و اسناد تقسیم کیئے گئے. پروگرام کے اسٹیج سیکرٹری کے فرائض جی ٹی اے بی مکران کے صدر محمد اقبال بلوچ نے سر انجام دیئے۔ پروگرام میں ڈی ای او خصدار عابد حسین بلوچ، نیشنل پارٹی کےضلعی صدر یونس جاوید، سابق صدر مشکور انور بھی موجود تھے۔