وش ویب: وزیراعلیٰ سندھ سید مراد علی شاہ کی زیر صدارت امن و امان کی صورتحال پر اہم اجلاس منعقدہ کیا گیا۔
اجلاس میں وزیر داخلہ ضیاء الحسن لنجار، چیف سیکریٹری أصف حيدر شاه، انسپیکٹر جنرل پولیس غلام نبی میمن، ڈی جی رینجرز میجر جنرل اظهر وقاص، سیکریٹری داخلہ اقبال میمن، کمشنر کراچی حسن نقوی، ایڈیشنل آئی جی کراچی جاوید عالم اوڈھو اور دیگر متعلقہ افسران شریک تھے۔
امن امان نافذ کرنے والے اداروں کی جانب سے وزیر اعلی سندھ کو ایئرپورٹ کے قریب دھماکے کے حوالے سے بریفنگ دی گئی۔
وزیراعلیٰ سندھ نے صوبہ بھر بلخصوص شہر کراچی میں امن امان کی صورتحال کا جائزہ لیا۔ اجلاس سے خطاب کرتے ہوئے وزیر اعلیٰ سندھ مراد علی شاہ نے کہا کہ ایئرپورٹ کے قریب دھماکہ ناقابل برداشت ہے، ایسے واقعات نہیں ہونے چاہئیں، پولیس اور دیگر امن امان نافذ کرنے والے ادارے انٹیلی جنس کا کام تیز کریں.
وزیر اعلیٰ سندھ مراد علی شاہ نے ہدایت کی کہ تمام امن امان نافذ کرنے والے اداروں کی مشترکہ کمیٹی قائم کی جائے اور آپس میں کوآرڈیشن کو مزید مستحکم بنایا جائے۔