وش ویب: کوئٹہ پریس کلب میں آل پارٹیز کے رہنماوں کی جانب سے فلسطین پر ہونے والے مظالم کے خلاف پریس کانفرنس کی گئی۔
پریس کانفرنس میں صوبائی وزیر بخت محمد کاکڑ، عبدالحق ہاشمی ، ماحولیات کے وزیر نسیم الرحمن ، امیر جماعت اسلامی مولانا ہدایت الرحمن اور دیگر سیاسی پارٹیز کے رہنما بھی موجود تھے۔
اس موقع پر مولانا عبدالحق ہاشمی کا کہنا تھا کہ ایک سال مکمل ہوگیا ہے اور غزہ پر اب بھی اسرائیلی جارحیت جاری ہے، جماعت اسلامی نے اس دن کو منانے کا فیصلہ کیا ہے اور سیاسی اختلافات کو دور رکھتے ہوئے اسرائیل کیخلاف فلسطین کے حق میں احتجاج کیا جائے گا۔
دوسری جانب بخت محمد کاکڑ کا کہنا تھا کہ دنیا کو ایک پیغام دینا چاہتے ہیں کہ فلسطینوں کی نسل کشی کی جارہی ہے۔ اسرائیل، فلسطین کے مساجد، ہسپتالوں اور بچوں پر ظلم ڈھا رہا ہے ، اسرائیلی جارحیت پر عالمی قوتوں کی خاموشی ناقابل قبول ہے، ہم 7 اکتوبر کو فلسطین کے حق میں یوم مزاحمت منائنگے۔
