وش ویب: کمشنر کوئٹہ ڈویژن ایڈمنسٹریٹر میٹروپولیٹن کارپوریشن حمزہ شفقات کی زیر صدارت میٹروپولیٹن کارپوریشن کے زیر اہتمام گرلز اسکول اور بی ایچ یوز کو آؤٹ سورس کرنے کے حوالے سے اجلاس منعقد ہوا ۔
اجلاس میں چیئرمین تعلیم فاؤنڈیشن ڈاکٹر ظفر قادر، سی ای او تعلیم فاؤنڈیشن عاصم مشتاق ،اسسٹنٹ کمشنر پولیٹیکل کوئٹہ ڈویژن سید کلیم اللہ، چیف میٹروپولیٹن کارپوریشن عطاءاللہ بلوچ، اسٹیٹ افیسر ایم سی کیو ذوالفقار علی، لا افیسر عبداللہ خان اور ڈی ڈی ایف عبدالخالق بھی موجود تھے۔ اجلاس میں فاطمہ جناح گرلز اسکول گودت سنگھ روڈ اور بی ایچ یوز جو کہ میٹروپولیٹن کارپوریشن کے زیر اہتمام چل رہے ہیں انہیں آؤٹ سورس کرنے کے حوالے سے اقدامات کا جائزہ لیا گیا تاکہ اسکول میں بچوں کی تعلیم بہتر اور بی ایچ یوز میں لوگوں کو بہترین صحت کی سہولیات موثر آ سکے اس سلسلے میں پبلک پرائیویٹ پارٹنرشپ کے تحت اسکول اور بی ایچ یوز کو پرائیویٹ سیکٹر کے ذریعے چلایا جائے گا تاکہ میٹرو پولیٹن کارپوریشن پر غیر ضروری اخراجات اور بوجھ کم کرنے کے علاؤہ اسکول میں تعلیم کا معیار کو بہتر بنایا جاسکے ۔
اجلاس میں کہا گیا کہ شہر کے وسط میں قائم اسکول کی عمارت ،کلاسز، لیب اور ہال موجود ہیں اس کے باوجود کارکردگی اطمینان بخش نہیں لہذا اسکول اور بی ایچ یوز کا معیار بہتر بنانے کے لیے آؤٹ سورس کرنا بے حد ضروری ہے اجلاس میں کہا گیا کہ شہر میں صفائی ستھرائی کے کام اور سولڈ ویسٹ مینجمنٹ کے کام کو پہلے سے ہی آؤٹ سورس کیا گیا ہے جس سے شہر میں صفائی کی صورتحال میں بہتری آ رہی ہے اور اس سے میٹروپولیٹن کارپوریشن پر اخراجات کا بوجھ بھی کم ہو رہا ہے۔
