وش ویب : خیبرپختونخوا کے ضلع باجوڑ میں پولیس موبائل کے قریب دھماکے میں 3 اہلکار زخمی ہوگئے۔
پولیس کے مطابق ایس ایچ او شاہ پور خان کی گاڑی معمول کی گشت پر تھی، پولیس گاڑی پہلے سے سڑک کے کنارے نصب بم سے ٹکرا گئی۔ دھماکے میں ایس ایچ او محفوظ رہے تاہم 3 اہلکار زخمی ہوگئے جنہیں تحصیل ہیڈ کواٹر ہسپتال خار منتقل کردیا گیا۔
پولیس کے مطابق پولیس نے جائے وقوعہ سے شواہد اکھٹے کرلیے ہیں جبکہ ملزمان کی گرفتاری کے لیے علاقے میں سرچ آپریشن جاری ہے
