وش ویب: جعفرآباد میں آل رائس مل مزدور یونین کے زیر اہتمام احتجاجی مظاہرہ کیا گیا۔ مل مزدوروں نے ریلی نکالی اور نعرے بازی بھی کی۔
اِس موقع پرخطاب کرتے ہوئے آل رائس مل مزدور یونین جعفرآباد کے جنرل سیکریٹری محمد رضا خارانی و دیگ رنے الزام عائد کیا ہے کہ مزدوروں کی بے روزگاری میں سابق صوبائی وزیر عبدالغفورلہڑی کا ہاتھ ہے۔ چاول کا سیزن شروع ہے اور رائس ملز سے مزدوروں کو فارغ کیا جارہا ہے جوکہ مزدور کش پالیسی ہے جس کی شدید الفاظ میں مزمت کرتے ہیں۔اُنہوں نے مزید کہا کہ دو رائس مل سابق صوبائی وزیر اور ایک مل کسی اور ٹھیکیدار نے ٹھیکے پر اٹھائی ہے اور پہلی فرست پر غریب مزدوروں کو نکالا جارہا ہے۔مظاہرین نے مطالبہ کیا ہے کہ کم سے کم ایک سال تک مزدوروں کو یہی ملز پرکام کرنے دیا جائے تاکہ وہ اپنے لیئے کسی اور مل میں روزگار کا ذریعہ ڈھونڈ سکیں۔ مظاہرین کا یہ بھی کہنا ہے کہ مطالبات نہ مانے گئے تو سخت لائے عمل طے کرینگے۔ احتجاجی کیمپ قائم کرکے دھرنا دینگے۔ مزدوروں پر خدارہ رحم کیا جائے۔
